ఇష్టం అంటే...

By -
"నాన్నంటే నాకిష్టం"
"నాకు కూడా శ్రీహర్షబాబంటే బోలెడంత ఇష్టం"
"నాన్నా.."
"ఊ..."
"ఇష్టం అంటే?"
".................. ఇష్టం అంటే, నువ్వు ఎప్పుడైనా తమ్ముని కొట్టడం, తోసెయ్యడం చేస్తావు కదా.. అప్పుడు నాన్న 'హన్నా.. అలా చెయ్యకూడదు' అని కేకలేస్తారు కదా.. కాని వెంటనే ఇలా పట్టేసుకుంటారు - అదీ ఇష్టం అంటే" నాన్నకి ఏమి చెప్పాలో తెలియలేదు.

"ఓహో...." శ్రీహర్ష బాబుకి మాత్రం చక్కగా అర్ధం అయింది!! :).

Comments

Vandana said…
బాగుంది అండి. ఫోటో యిటు వైపు తిప్పి వుంటే యింకా బాగుండేది.
August 8, 2011 at 1:08 PM
రామ said…
వందన.. అంటే, కొంచెం కవి హృదయం చూపించడానికి ప్రయత్నించాను :).
August 8, 2011 at 1:16 PM
Vandana said…
బాగుంది. మణిరత్నం సినిమాలలో లాగా వెరైటీ గా వుంది.
August 9, 2011 at 6:04 AM
రామ said…
అలా అన్నావా? నేను మణి'రత్నం' కాదు కదా మణి'రాయి' ని కూడా కాదు :)
September 18, 2011 at 6:29 AM
ఎందుకో ? ఏమో ! said…
miku manchi manasunnadi

marokariki margam chuputhunnaru

anni postu laki kalipi ee commet ni sweekarinchagalaru

nice effort

?!
November 5, 2011 at 8:56 PM
Post a Comment

Popular posts from this blog

పాలకూర అన్నం

By -
కావలసిన పదార్థాలు:   బియ్యం - 3 రైస్ కప్పులు. పాలకూర - ఒక పెద్ద కట్ట. ఉల్లిపాయలు - పెద్దది ఒకటి. పచ్చిమిరపకాయలు - 6. జీడిపప్పు - 1/2 కప్పు. మిరియాలు - 1/2 చెంచా. లవంగాలు - 4.  మినప్పప్పు - 1 చెంచా. ఆవాలు - 1/2 చెంచా. జీలకర్ర - 1 చెంచా. ఉప్పు - తగినంత. గరం  మసాలా పొడి - 1/2 చెంచా. తయారు చేయు విధానం: ముందుగా అన్నం వండుకోవాలి. మిరియాలని పొడి చేసుకోవాలి. పాలకూరని శుభ్రంగా కడిగి, తరగాలి. ఈ పాలకూర తరుగు, పచ్చిమిరపకాయలు, ఉల్లిపాయ ముక్కలు, జీడిపప్పు మిక్సీలో వేసి ముద్దలా తిప్పాలి. మూకుట్లో నూనె వేసి లవంగాలు, మినప్పప్పు, ఆవాలు, జీలకర్ర వేయించి అవి బాగా వేగాక ఈ పాలకూర ముద్దని వేసి బాగా కలపాలి. ఇప్పుడు మంటని కాస్త తగ్గించి ఈ ముద్దని  10-15 నిముషాలు  బాగా ఉడకనివ్వాలి. తరువాత ఇందులో తగినంత ఉప్పు, మిరియాల పొడి,  గరం మసాలా వేసి బాగా కలపాలి. ఇప్పుడు ఇందులో ఉడికించిన అన్నం వేసి అంతా బాగా కలపాలి. మంట మరికాస్త తగ్గించి, మధ్య మధ్యలో కలుపుతూ ఒక 15 నిముషాలు ఉంచాలి. ఉప్పు అవీ చూసుకుని ఇంక ఆపెయ్యచ్చు. ఇది తయారు అయ్యాక ఒక ప...
Read more

కంప్యూటర్ లో తెలుగు వ్రాయడం (Telugu in your computer)

By -
Image
ఇంటర్నెట్ లో తెలుగు లో వ్రాయడం ఈ మధ్య సులభం కావడం చాలా మంది తెలుగు తెలిసిన వాళ్ళకి తెలుగులో వ్రాయాలనే ఉత్సాహం కలిగిస్తోంది - ఇది శుభ పరిణామం. మా బ్లాగ్ చూసో, మేము తెలుగు లో పంపించే వేగులు (ఈమైల్స్) చూసో చాలా మంది ప్రయత్నిద్దామని అడుగుతూ ఉంటారు. ఒక్కొక్కరికీ ఒకోవిధంగా ఈమెయిలు లో వివరించే కంటే, ఒక చోట ఉంటే అందరికీ బాగుంటుంది అని ఈ ప్రయత్నం. ఇంటర్నెట్ లో ఈ సమాచారం అంతా ఉన్నా, కొన్ని సార్లు ఎక్కువ సమాచారం కూడా మనల్ని భయపెడుతుంది - ప్రయత్నించడం నుండి దూరం గా ఉంచుతుంది. అందుకని, సింపుల్ గా, తెలుగు లో ఈమెయిలు/చాట్ వ్రాయడం, అంతగా కావాలంటే వర్డ్ డాకుమేంట్ లో తెలుగు లో సేవ్ చేసుకోవడం ఎలా అనే విషయాల మీద ఇక్కడ దృష్టి కేంద్రీకరించాను. ట్రాన్స్లిటరేషన్ ఉపకరణాలు: ఇవి మీరు ఇంగ్లీష్ లో టైపు చేస్తూ పోతూ ఉంటే, తెలుగు లోకి మారుస్తాయి. అంటే, "telugu" అని టైపు చేసి స్పేస్ కొట్టగానే "తెలుగు" గా మారుస్తాయి. 1. గూగుల్ ఇండిక్ ట్రాన్స్లిటరేషన్: http://www.google.com/transliterate/indic/telugu 2. క్విల్‌ప్యాడ్: http://www.quillpad.com/telugu/editor.html 3. లేఖిని http://lekhini.org వీటిలో మీర...
Read more

మంచి మనిషి.

By -
Image
ఇంజనీరింగ్ అయిన వెంటనే ఏమి చెయ్యాలా అన్న విషయం ఇంజనీరింగ్ చేస్తున్నన్నాళ్ళూ పెద్దగా ఏమి అనుకోలేదు. అందరూ గేటు రాస్తున్నారంటే నేను కూడా రాసా.. ఏదో జరిగి మార్కులూ బాగానే పడ్డాయి - ఐ ఐ టీ మిస్ అయి మద్రాస్ లో అన్నా యూనివర్సిటీ లో చేరాను కంట్రోల్ సిస్టమ్స్ లో. అసలే ఇంటి బయట ఉండడం మొదటి సారి, మన భాష/ఊరు కాని ప్రదేశం, ముఖ్యం గా ముందు గా తెలిసి ఉన్న స్నేహితులు లేకపోవడం (అందుకే తరవాత ఇంకా ఎక్కువ దూరం అయిన అమెరికా వచ్చినా కూడా ఇక్కడ అప్పటికే తెలిసిన స్నేహితులు ఉండడం తో అస్సలు ఇబ్బంది లేకుండా కలిసిపోయాను), నన్ను అక్కడ ఉండనివ్వలేదు. దానికి తోడు చీకటి గుయ్యారాల లాంటి హాస్టల్ రూములు, రోజుకొకసారి కనిపించే ఈనాడు పేపర్, రుచీ పచీ లేని హాస్టల్ భోజనం - మనకి ఒకటి నచ్చక పొతే అన్నీ భూతద్దాలలోంచి కనిపిస్తాయి కదా - మొత్తానికి ఈ కాలేజీ మనకోసం కాదు అన్న విషయం నిర్ణయం అయిపొయింది. దానికి తోడు, అక్కడ చేరిన ఒక వారం రోజులకి విశాఖపట్నం గీతం లో నాతో చదివిన స్నేహితుడు అమెరికా వీసా కి రావడం, అతని ద్వారా జీ ఆర్ ఈ కి ఎలా తయారవాలి తదితర విషయాలు తెలుసుకోవడం వల్ల అమెరికా పురుగు గట్టిగా కుట్టింది. మనం ఏదైనా పని చెయ్యడానికి...
Read more