(మా) రాజమండ్రి విమానాశ్రయం.

చిన్నప్పుడెప్పుడో ఒకసారి (అంటే ఇంచుమించు 1986 అనుకుంటా) - రాజమండ్రి నుంచి వాయుదూత్ విమానంలో హైదరాబాద్ వెళ్ళాము. విమానం ఎక్కడం అదే మొదటిసారి - ఆ వాయుదూత్ లో అంత ప్రమాదం ఉంటుంది అని తెలియదు - విమానం ఎక్కాలి అనే సరదాయే తప్ప. ప్రమాదం అని ఎందుకు అన్నానంటే మేము ఎగిరిన చాలా రోజుల తరువాత వేరే వాయుదూత్ విమానం కూలి పాపం అందులో వాళ్ళు అందరూ పోయారు. వెంటనే ప్రభుత్వం వారు మేల్కొని మొత్తం వాయుదూత్ నే రద్దు చేసారు అనుకోండి అది వేరే విషయం. అప్పుడు ఇప్పటిలా విరివిగా విమాన సర్వీసులు, వాటిమీద ప్రభుత్వ నిఘా ఉండేది కాదు. రాజమండ్రి విమానాశ్రయానికి బయల్దేరి, సగం దూరంలో మా వాహనం (ఆటో లెండి) చెడిపోతే అటుగా వెడుతున్న విమానాశ్రయం వారి జీప్ లో ఎక్కడం, అందులో ఉన్న ఆఫీసర్ - ఎంత పెద్ద ఉద్యోగమో మనకి తెలియదు కాని, ఆ ఎయిర్ పోర్ట్ అంతా తనదేననీ, విమానాలు ఎక్కడానికి వచ్చేవాళ్ళకి తను విమానం ఎక్కే అవకాశం ఉచితం గా ఇస్తూ మహా సేవ చేసేస్తున్నాననీ - అందువలన గారంటీ గా స్వర్గానికే వెడతాననీ నమ్మకం పెట్టుకున్నవాడిలా మొహం వేసుకొని మా వైపు మహా చిరాకుగా చూడడం ఇంకా గుర్తు :). అన్నట్టు ఆ ఫ్లైట్ లో కూర్చొని ఆ విశేషాలు వర్ణిస్తూ మా అమ్మగారికి ఉత్తరం కూడా రాసేము మా అన్నయ్య, నేను - అది హైదరాబాద్ వెళ్ళాక పోస్ట్ చేసాము.

ఏదైనా, మొన్న మళ్ళీ హైదరాబాద్ నుంచి రాజమండ్రి కి కింగ్ ఫిషేర్ వారి విమానం లో వెడుతూ ఉంటే ఇవన్నీ గుర్తుకి వచ్చాయి. ప్రపంచం అంతా మారిపోయింది కాని, మా రాజమండ్రి విమానాశ్రయం మాత్రం ఇంకా అలాగే ఉంది (ఇంకోటి కడుతున్నారు - ఇంచుమించు తయారు అయిపోయినట్టే ఉంది). మళ్ళీ వచ్చేసరికి ఇది ఉంటుందో, తీసేస్తారో అని ఇలా కొన్ని ఫోటోలు తీశాను. చిన్నప్పుడు ఎలా ఉందో గుర్తు లేదు కాని, నాకు ఇప్పుడు ఉన్న ఎయిర్ పోర్ట్ మాత్రం భలే నచ్చింది. ఏదో నలుగురు సెక్యూరిటీ వాళ్ళు, ఇద్దరు ముగ్గురు అధికారులు, పది మంది కూలీలు, వచ్చిన వాళ్ళని తీసుకొని వెళ్ళడానికి ఒక ఇరవై వరకు కార్లు, వాటితో వచ్చిన జనం, "మనం మేకప్ ఎక్కడ వేసుకోవాలి" అనుకుంటూ దిక్కులు చూస్తున్న విమాన వనితలు - అంతే. ఎనౌన్స్మెంట్లు, అనవసరంగా వాగుతూ ఉండే టీవీలు, కిచ కిచ శబ్దం చేసుకుంటూ తిరిగే కన్వేయర్ బెల్టులు అవీ లేకుండా మహా ప్రశాంతంగా ఉంది. ద్వారపూడి రైల్వే స్టేషన్ కూడా ఇంత నిశ్శబ్దంగా ఉండదు. అందులో మధ్యాహ్నం పదకొండు ప్రాంతంలో దిగామేమో, అప్పుడే గోదావరినీ, లంకల్లోని కొబ్బరి చెట్లనీ పైనుంచి చూస్తూ "ఇంటికొచ్చేసాము" అనుకుంటూ ఉండడంతో ఆ ఫీలింగ్ చాలా చక్కగా అనిపించింది. ఆఖరికి లగేజ్ కూడా ఎంచక్కా రెండు తోపుడు బళ్ళలో వేసుకొని వచ్చి మా ముందు పడేసారు. సింపుల్ గా ఏరేసుకున్నాము.

ఇదిగో మరి ఆ ఫోటోలు. గోదావరి మీద కడుతున్న లేటెస్ట్ వంతెన (మరి పేరు ఏమి పెడతారో తెలియదు) కూడా ఉంది చూడండి.

అమ్మ

అమ్మ...
సృష్టిలో హాయైన పదం..
అర్ధం చెప్పాలనుకుంటే ఏమీ తోచని పదం...
తన త్యాగాలు రాయాలంటే పేజీలే సరిపోని పదం....

కలతనిదురలో లేచి ఏడిస్తే ఎంతటి నిద్రలోనైనా టక్కున లేచి గుండెలకు హత్తుకుంటుంది.
అల్లరి చేస్తే మందలిస్తుంది, తరువాత తనే దగ్గరకి వచ్చి ముద్దు చేస్తుంది.
తొలి గురువు తానై పాఠాలు చెబుతుంది,
పెద్ద చదువులు చదివి ఎదిగితే తనకన్నా కాస్త పొడవున్న ఆ బిడ్డని తలపైకి ఎత్తి చూసుకుంటూ గర్వంగా మురిసిపోతుంది.

కాస్త తొందరగా లేస్తే 'కాసేపు పడుకోకపోయావా?' అంటూ దగ్గరకొస్తుంది..
నేనూ ఒక తల్లినని, ఆవిడ తెల్లవారుఝామునే లేచి తన పిల్లలకోసం చేసినవి నేనూ నా పిల్లలకి చెయ్యాలి అన్న విషయం మరచిపోతుంది.
చిన్నప్పుడు నా బట్టలు అన్నీ తనే ఉతికిపెట్టింది,
ఇప్పుడు పుట్టింటికి వెళ్తే నా పిల్లల బట్టలు ఉతకడానికి పనిమనిషిని పెట్టింది.
అప్పడాలు, వడియాలు, ఊరగాయలు అంటూ మాకిష్టమైనవి చేస్తూ పరుగులు పెడుతుంది,
అవి ఎండబెట్టడానికి డాబా ఎక్కుతుంటే కాలికి తగిలిన దెబ్బకి రాత్రి మేమందరం పడుకున్నాక చీకటిలో కొబ్బరినూనె రాసుకుంటుంది.
పొద్దుటి అన్నం పెట్టుకుంటే 'హన్నా.. అరగదు' అంటూ మందలిస్తుంది,
నేను చూడకుండా ఆ అన్నం మజ్జిగలో కలిపేసుకుంటుంది.
'ఇక చాల్లే చేసిన పనులు, నిద్దర సరిపోదు, పడుకో' అంటూ నా చేతిలో పని లాక్కుంటుంది,
ఎన్ని ఏళ్ళు వచ్చినా సేవలు చేస్తూ తన మీద పడ్డ వయసును, తనకు కరువు అయిన నిద్దరను మరచిపోతుంది.

మన కష్టం తీర్చేది అమ్మ,
తన ఆనందం పంచేది అమ్మ,
తప్పుకి దండించేది అమ్మ,
దానికి మందువేసేది తన కంటి చెమ్మ.
ఇంతకంటే ఇంకేమి కోరగలదు ఈ మానవ జన్మ?

Setting up Vonage on ATT DSL with Motorola 2210 modem - fixing the phone connection.

I recently had to replace my Vonage phone modem and ATT DSL modem as both died of a single lightening strike in our neighbor's yard (sure I will use a surge protector from now on). Called Vonage and got the modem for free (thanks Vonage) and had to buy the DSL modem from ATT - whopping $75 at a local ATT store for an otherwise $30 modem on the internet.

The set up was easy. I first had to connect my Motorola 2210 to my computer, go to att.net/activate to start the activation process, which was smooth. The real problem started when I wanted to insert the Vonage modem in between the computer and the DSL modem. No set up is required on the Vonage box (even though the literature that comes with the Vonage box tells you to go to v-configure.com and do the basic set up, you dont have to when you are using a Motorola modem and did the previous "activate" step) and it connects seemlessly to the internet.

The trouble is, getting your Vonage modem to work with this. I had to spend an hour each with Vonage and ATT, trying to fix this. Vonage's take is that their modem is able to communicate to their servers, but the server's response is being blocked by the DSL modem and I dont get my phone to work. They gave up and asked me to contact ATT. ATT tried to send me to Motorola but stopped and sent me to their 2nd level. The 2nd level said they can fix it if I agree to a paid support agreement of $15 per month and a 12-month contract (Yeah right!!).

I hung up and tried it myself and this is what worked:
Remove the Vonage modem, connect your computer directly to the Motorola, go to http://192.168.1.254 on your browser (default address for Motorola modem), go to the Advanced tab, Connection Configuration menu, choose "Smart KeepAlive" for "Connection Type" and voila!! you are all set.