Thursday, April 24, 2008

Passport and PIO Card for your baby.

We recently had to go through this whole exercise and were surprised to find out that there are no resources on the net explaining some of the confusing aspects. Here is the process (This assumes that your's is a "normal" case - you and your spouse is Indian-born, Indian Citizens, holding Indian Passports, living in USA on H-1 or Green Card and this Passport and PIO card is for your new born baby).

Passport:
We thought that this is a very straight forward process and mostly it is, except for the passport photos. The USPS web site indicates that most of the post offices have facilities to make your passport photograph, but when we went to our local post office, they told us that they no longer offer this service for infants!. They said that it is because the pictures they take for infants are not coming out well. We went to CVS Pharmacy and got ours. So, it is a good idea to inquire ahead of time whether a certain place offers this service. The travel.gov web site has well-formatted list of required documentation. The fee can be paid at the post office itself. It is normally a good idea for both the parents to be present. The passport is processed pretty fast, you would get it back in a week or two in most cases.

PIO Card:
Now for the confusing one (or so it is made to be!!).
The PIO instructions on web site for Indian consulate in New York are confusing at best. The information is lacking organization and there is a phone number listed, that needs to be called - in restricted hours (between 2 and 4 PM) should you need any assistance. Don't count on it, when I called one day from 2PM, no one answered the phone, I hung on and kept calling till I received a message saying the message box is full :).

Anyway, here are the things we had to gather for our baby to apply for PIO card.

4 passport size photos.: Actually there is a total of 5 passport photos if what's on the instructions is to be followed. One to affix on page1 and 4 to be sent along with the application.

Thumb prints on the application form: (ink pads are avaialbe for about $3 at stationary stores such as OfficeMax). First, try the thumbprint on a separate paper (than the application itself), make sure the streaks on the thumb are visible and then put it on the application as the impressions tend to be no more than big dots if we put them on the application right away from the pad due to the tenderness of the skin of the baby. I have read elsewhere on the internet that they are taking the parent's signature in place of the baby's thumbprint when they go to the consulate in person. But there is nothing to that effect on the site and instructions, so if you are sending the application in mail, the thumbprints will be needed.

"Notarized" copies of passports of the baby, mother and father (expired ones too). Typically, there would be more than 50 sheets to notarize if you copy two pages of passport on a single sheet of paper. I copied 6 sheets of passport on one sheet (8.5 X 14), and only got notarized those pages where there is any information at all (like immigration stamps, visas etc). Your bank managers will be able to do the notarization for you.

Copy of the birth certificate. Notaries DO NOT notarize birth certificates in the US and there is nothing like a "copy" of birth certificate.You have to obtain a new birth certificate and send it over. The Consulate does not return this document (too bad - as we had to spend $21 in Ohio to get a new birth certificate copy) - as opposed to the US Passport application, where every original document you submitted will be returned to you!.

Money Order for $205, comprising of $185 for the fee and $20 for the return postage (reasonable as they had to spend $16.25 for the return envelope on ours).

Fill the application: There would be a little confusion about items 13 and 14 in the application, which do not seem to be much different from one another, but if you are a normal case (both parents holding current Indian passports), you just have to fill item 13. Item 14 can be left blank.

The only thing to cheer in this whole process is the turnaround time, we got our baby's PIO card in a week.

Friday, April 18, 2008

భలే భలే ఇలియానా

నిన్న రాత్రి వచ్చింది ఈ ప్రోగ్రాం.

ఏంఖర్: ఈ సినిమా లో మీ క్యారెక్టర్ ఏమిటి?
ఇలియానా: నాది చాల బబ్లి క్యారెక్టర్ (సైడ్ లో వ్రేలాడుతున్న జుట్టు మొహం మీద పడకపోయినా సరే చేతితో వెనక్కి తోసుకుంటూ.. మళ్ళీ గట్టిగా తోస్తే ఎక్కడ వెనక్కి వెళ్ళిపోయి ముందరకి రాదో అన్నట్టు, కొంచెం తోసీ తోయ్యనట్టు గా లైట్ గా).

ఏం: How did you enjoy acting in the movie?
ఇలి: I enjoyed a lot.

ఏం: మీరు తెలుగు లో చాలా సినిమాలు చేసేసారు కదా.. మరి తెలుగు లో ఎప్పుడు మాట్లాడడం మొదలు పెడతారో అని అందరూ ఎదురు చూస్తున్నారు..
ఇలి: (English లో నే లెండి) ఒకప్పుడు నేర్చుకుందాము అనుకున్నాను కాని, (తెలివైన ప్రేక్షకులు) ఖతర్నాక్, ఆట ఫ్లాపు చెయ్యడం తో ఇంట్రస్టు పోయింది. మళ్ళీ ఇప్పుడు జల్సా ఆడుతోంది కదా నేర్చుకోడానికి ట్రై చేస్తా.

ఏం: How did you enjoy acting with lover boy Tarun?
ఇలి: Lover boy ఆ.. ("ఇంకా ఈ జుట్టు మీద పడదేమిటీ? - నేను వెనక్కి నెడదాము అనుకుంటుంటే" అనుకుంటూ)

ఏం: అదేనండీ.. ఇక్కడ అందరికీ తరుణ్ లవర్ బాయ్ కదా!.
ఇలి: I enjoyed a lot.

ఏం: ఇప్పుడు మీరు తెలుగు లో అందరికంటే ఎక్కువ రేమునేరషన్ తీసుకుంటున్నారు కదా..
ఇలి: wow.. how did you know that? (అంటే నిజమే అన్నమాట).

ఏం: మాకు తెలిసిపోతూ వుంటాయి లెండి. How do you feel about it?
ఇలి: నాకు వున్నా వర్త్ ని బట్టి నాకు ఇస్తారు.

ఏం: ఐతే మరి భలే దొంగలు లో మీ పాత్ర ఎలా వుంటుంది?
ఇలి: It is a bubbly girl character.

ఏం: How did you enjoy working with Vijaya Bhaskar?
ఇలి: I enjoyed a lot.

ఏం: మీకు తెలుగు ఫీల్డ్ లో ఏ హీరోయిన్స్ అంటే ఇష్టం?
ఇలి: ఒహ్.. (giggles) త్రిష, పార్వతి.

ఏం: మరి హీరోస్ లో?
ఇలి: ఆన్ స్క్రీన్ ఆ? ఆఫ్ స్క్రీన్ ఆ? (నవ్వు.. జుట్టు తోసే ప్రయత్నం నెంబర్ 3).

ఏం: రెండూ లెండి (ఏ మాటకీ ఆ మాటే చెప్పాలి.. ఈవిడ మూడు భాషల్లో చెరిగేసింది).
ఇలి: (ఏదో చెప్పింది కాని - వీళ్ళు ఆన్ స్క్రీన్, వీళ్ళు ఆఫ్ స్క్రీన్ అని అనలేదు - అంటే, ఇందాకటి ప్రశ్న వుత్తినే వేసింది అన్నమాట).

ఏం: మరి ఈ భలే దొంగలు సక్సెస్ ని ఎలా ఎంజాయ్ చేసారు?
ఇలి: I enjoyed a lot.

ఏం: ఐతే మీరు నెక్స్ట్ సినిమా లో తెలుగు లో మాట్లాడేస్తారు అన్నమాట.. పక్కా?
ఇలి: (ఏదో అన్నారు - సతి లీలావతి సినిమా లో కమలహాసన్ "అయ్యబాబోయ్ నువ్వు ఇంజనీర్ గానీ అయిపోతావేంట్రా" అంటే కొడుకు పాత్రధారి "చూద్దాం.. చూద్దాం" అన్నట్టు.)

ఇక ఆ దెబ్బతో టీవీ కట్టేసి, ముసుగు తన్ని చక్కగా బజ్జున్నాము.

Monday, April 14, 2008

పంచాంగ వీరంగం

కిందటి శనివారం మా ఊరి తెలుగు అసోసియేషన్ ఉగాది కార్యక్రమం లో అతిథులు విన్న పంచాంగం ఇది. శాస్త్రం తెలియక సభికులని ఆకట్టుకోవడానికి చేసిన చిన్న ప్రయత్నంగా మాత్రమే చదవమని మనవి. రాజకీయాలు, క్రీడలు, సినిమా ల గురించిన వ్యాఖ్యల్ని "దిల్" కి తీసుకోవద్దు - విని మరిచిపొండి :).



అందరికీ సర్వధారి నామ సంవత్సర శుభాకాంక్షలు.బాబూ.. కొంచెం ఆ కార్డ్ లెస్సో, ఆ క్లిప్ మైకో ఇస్తారా? This is very inconvenient you know? ఏమిటి? లేదా? దీన్లోనే చెప్పాలా? సరే!. (audience తో).. Cost Cutting అనుకుంటా.ఏదో పంచాంగ శ్రవణం చెయ్యమని తీసుకొని వచ్చారు - కానిద్దాం!.
నా పేరు దైవజ్ఞ శాస్త్రి .net. పేరలా వుందని ఖంగారు పడకండి. ఇప్పుడంతా ఇంటర్నెట్ కదా.. అందుకని చివర్లో అలా తగిలించేను. ఈ యేడాది వివిధ రాశుల వారికి ఉండబోయే రాజపూజ్యం, అవమానం, ఆదాయం, వ్యయం వివరాలు ఇలా వున్నాయి.
ఏమిటీ.. రాజపూజ్యం అంటే మిమ్మల్ని రాజుల్లా పూజించడం అనుకుంటున్నారా? "పూజ్యం" అంటే తెలుసు కదా!! . నిండు సున్నా అన్నమాట. అంటే మిమ్మల్ని రాజుల్లా చూసేవారు పూజ్యం. అవమానం మాత్రం డెఫినెట్టు. ఈ యేడాది మిమ్మల్ని ఎవరైనా లాగి జెల్ల కొట్టేసే అవకాశం ఎంత వుందో ఇది చెబుతుంది. సరే మరి.. విషయానికొద్దాం.

మేష రాశి: ఆదాయం - 4, వ్యయం – 2, రాజపూజ్యం - 4, అవమానం – 5
ఈ రాశికి చెందిన వాడవడం చేత మన మెగాస్టారు ఈ ఏడాది కూడా పార్టీ పెట్టడు!. కానీ, పెడతాము అని నెలకి రెండు సార్లు చొప్పున 24 సార్లు స్టేట్మెంట్ లు మాత్రం ఇస్తారు. బ్రేకింగు న్యూస్ ఏమిటంటే, వారి కోసం రావాల్సిన రైల్ ఔటర్ లో ఆగిపోయిందిట. అక్కడ సిగ్నల్ పెట్టె దగ్గర సి ఎం గారు, ప్రతిపక్ష నాయకుడు కూర్చొని దానిని కదలనివ్వట్లేదని తెలిసింది.

వృషభ రాశి :ఆదాయం -8, వ్యయం - 11, రాజపూజ్యం - 7, అవమానం 5
మన దేశ ప్రజలమంతా వృషభాల వంటి వారం అవడం చేత మన క్రికెట్ జట్టు ఎన్ని మాచులు ఓడిపోయినా, మిగిలిన ఆటలని పెద్దగా పట్టించుకోకుండా ఈ యేడాది కూడా వేరే పని లేకుండా క్రికెట్ చూస్తూ వుంటారు.

మిధున రాశి :ఆదాయం - 11, వ్యయం - 8, రాజపూజ్యం - 3 , అవమానం -1
మన సి ఎం గారు ఈ రాశి కి చెందినా వారు కావడం చేత రెండు రూపాయల కిలో బియ్యం కోసం పన్నులు పెంచడంతో, ఈ యేడాది చివరికి రాష్ట్ర జనాభా అంత దారిద్ర్య రేఖ కిందకి జారి, వాళ్ళు కూడా రెండు రూపాయల కిలో బియ్యం పధకానికి అర్హులయేలా చేస్తారు.

కర్కాటక రాశి :ఆదాయం - 5, వ్యయం - 8, రాజపూజ్యం - 6 , అవమానం -1

సింహ రాశి :ఆదాయం - 8, వ్యయం -2, రాజపూజ్యం - 2, అవమానం -4
సింహ రాశికి చెందినది అవడం వల్ల సానియా మిర్జా కెరీర్ లో ఈ యేడాది పెరుగుదల వుంటుంది. Top 100 నుండి Top 200 కి పెరుగుతుంది అని నా కంప్యూటర్ కీబోర్డు గుద్ది మరీ చెబుతోంది.

కన్య రాశి :ఆదాయం - 11,వ్యయం -8, రాజపూజ్యం - 5, అవమానం -4

తులా రాశి : ఆదాయం -8 వ్యయం - 11, రాజపూజ్యం - 1, అవమానం -7
మన తెలుగు ప్రజలు అందరూ చేసుకున్న ఖర్మ కొద్దీ, ఇటు భాష, అటు acting రాని అందం లేని చెక్క ముఖాలు "జిందాబాద్ హూ హ్హ హూ హ్హ" అనుకుంటూ నార్తు నుంచి దిగుతూనే వుంటారు. వాళ్ల ప్రాప్తం, మన ప్రారబ్ధం.

పృశ్చిక రాశి :Earning 100du, Spending 1000du. Just kidding.ఆదాయం -14, వ్యయం - 2, రాజపూజ్యం - 4, అవమానం -7

ధనుస్సు రాశి :ఆదాయం -2, వ్యయం -11, రాజపూజ్యం - 7, అవమానం -7
ఈ సంవత్సరం మీ కార్ మైలేజి 2-3 తగ్గి గ్యాస్ ఖరీదు 2-3 పెరుగుతుంది. అప్పుడు అందరూ ఎక్కడికైనా సరే నడవడం అలవాటు చేసుకొని ఆరోగ్యాన్ని పొందుతారు.

మకర రాశి : ఆదాయం - 5, వ్యయం - 5, రాజపూజ్యం - 3, అవమానం -3

కుంభ రాశి : ఆదాయం - 5, వ్యయం - 5, రాజపూజ్యం - 6, అవమానం -3
ఈ యేడాది మన సి ఎం గారు ప్రతిపక్ష నాయకుడిని తెలుగు లో 3-4 తిట్లు, అదేదో అర్ధం కాని భాష లో కొన్ని వందల తిట్లు తిడతారు.. ఐతే ఈ లోగా ఎన్నికల్లో ప్రతిపక్ష నాయకుడే గెలిచి, ముఖ్యమంత్రి అవుతాడు కాబట్టి, ఆ తిట్లన్నీ తిరిగి ఆయనకే తగులుతాయి.

మీన రాశి :ఆదాయం - 2, వ్యయం -6, రాజపూజ్యం - 2, అవమానం -6
మీన రాశి వాడు అవడం చేత మన ప్రెసిడెంట్ జార్జి పొద గారు.. "పొద" అండీ!!.. అదే.. "బుష్షు" అన్నమాట.. సరే.. జార్జి పొద గారు ఈ యేడాది పదవీచ్యుతులవుతారు. సరిగ్గా నవంబర్ నాలుగు, 2008 ఆయన రాజభోగం ముగుస్తుంది. ఏమిటీ.. పదవి లో వుంచమంటారా ? అబ్బే.. లాభం లేదండీ.. ఇక్కడ గ్రహాలు ఘోషిస్తున్నాయి.. నక్షత్రాలు నస పెడుతున్నాయి. అష్టదిక్పాలకులూ ససేమిరా అంటున్నారు.. కాబట్టీ.. ఆ.. అలా కానిచ్చేద్దము మరి ఈ సరికి.. సరేనా మరి?.. మళ్ళీ కలుద్దాం..

Wednesday, April 9, 2008

Thursdays are fun again!

Earl did last week and The Office is doing this week, coming back that is!. They are on a new season, bringing back cheer to Thursdays. Watched Earl yesterday and it was as hillarious as ever!. For a change, Joy started with a flat-belly (she always seems to carry a 45-week pregnancy).

If Earl's brother Randy is on one end of the dumbo spectrum, the other end has - Dunder Mifflin's Michael from The Office. If you get NBC (in US), watch these if you are not already watching - sure worth your time.

Tuesday, April 8, 2008

జల్సా ఖర్చు

నిన్నటి ఐడిల్ బ్రెయిన్ లో శ్రీనివాస్ కంచిభొట్ల వ్రాసిన వ్యాసంలోంచి ("GRE English" పదాలు ఉపయోగించి రాసే చాలా పొడవైన వాక్యాలని మినహాయిస్తే ఇతడు వ్రాసే ఆర్టికల్స్ నాకు నచ్చుతాయి :) ): "The producer needs to be rapped on the knuckles for letting the production run amuck." అంటే, ఏమంటున్నారంటే, అల్లు అరవింద్ ని మాస్టారు బల్ల దగ్గర కి రమ్మని, చెయ్యి తిరగవేసి వుంచి, వేళ్ళ మీద బెత్తం తో (లేదా స్కేల్ తో) "ఈ సినిమా కి ఇన్ని కోట్లు పెట్టడం తప్పేనా?" అంటూ రెండు మూడు వెయ్యమని. ఊహించుకుంటే భలే నవ్వు వస్తుంది. అరవింద్ అన్నాను కాబట్టి నవ్వుతున్నాం కాని, చిన్నప్పుడు కొంతమంది శాడిస్ట్ మాస్టర్లు మా క్లాస్ లో పిల్లల్ని ఇలా శిక్షిస్తే నాకు పిచ్చ కోపం వచ్చేది. తలుచుకుంటే ఇప్పటికీ వస్తుంది. మనసు లో నే శాపనార్ధాలు పెట్టేవాడిని. కొంతమందికి తగిలే వుండొచ్చు. ఐతే ఇప్పుడు అలాంటి వాళ్ళు తగ్గారు అనే అనుకుంటాను.

Figurative గా రాసేరు కాబట్టి కంచిభొట్ల మీద కోపం లేదు లెండి :).

Saturday, April 5, 2008

అబ్బో !! మీకిన్ని తెలుసా!!?

నా గూగుల్ మెయిల్ కి ఒక పెద్ద ఈస్తటిక్ ప్రాబ్లం వచ్చింది (వాడకుండా వుండలేను, ఎందుకంటే, తెలుగు లో మెయిల్ కొడితే యాహూ లో ఒక సారి తెలుగు లోను, మరొక సారి అదేదో కంకిరి పింకిరి భాష లోను వస్తోంది). నా గూగుల్ ఇన్ బాక్స్ సెలవు రోజు నాటి పూర్ణా మార్కెట్ లాగ "conversations" తో కిక్కిరిసి పోతోంది రోజులు గడిచే కొద్దీ.. నిన్న ఈ "archive" బటన్ ఏమి చేస్తుందో చూద్దాము అని కుతూహలం తో కొన్ని మెసేజ్ లు ఎంచుకొని, ఆ బొత్తాన్ని వత్తేను. వెంటనే నేను ఎంచిన సంవాదాలు అన్నీ మాయమైపోయి నా ఇన్ బాక్స్ మళ్ళీ స్లిమ్ము గా, ట్రిమ్ము గా రెడీ అయింది. (తరవాత గూగుల్ మెయిల్ హెల్ప్ లో ఇవి అన్నీ రాసేరు అన్న విషయం చూసాను అనుకోండి).

మాకు ఈ విషయం ముందే తెలుసు అంటారా? సరే. కాచుకోండి.

క్రిందటి సంవత్సరం అనుకుంటాను.. NPR Morning Edition కార్యక్రమం లో రాజమండ్రి లో పన్నులు వసూలు చెయ్యడానికి "డప్పుల మోత" కార్యక్రమం నిర్వహించారని, దానిలో భాగంగా, పన్నులు బకాయి ఉన్న మొండి వాళ్ళ ఇళ్ళకి వెళ్లి, ఆ వీధిలో అందరూ వినేలా, వాళ్లు "మేము బకాయిలు చెల్లిస్తాము కమీషనరు గారూ" అని అనేదాకా, ఆపకుండా డప్పులు వాయించారుట అని చెప్పారు. మళ్ళీ ఇవాళ "ఈనాడు" లో అమలాపురం లో అదే పని చేసి, ఒక నెల రోజుల్లో రికార్డు స్థాయి లో 65 లక్షల రూపాయల బకాయిలు వసూలు చేసారు అని ప్రకటించారు. (చూడబోతే డప్పులు వాయించడం అనేది పెద్ద ఉపాధి కల్పనా మార్గం గా వున్నట్టుంది).

ఇది కూడా తెలుసా? సరే.. ఇంకొకటి.

బ్రిటిష్ వారి కాలం నుంచి వస్తున్న ఒక వింత సంప్రదాయమట!. పోలీస్ శాఖ లో ఎవరైనా పై అధికారులు కొత్తగా విధుల్లో చేరితే కింద వాళ్లందరూ వాళ్ళ చేతికి పువ్వో, పండో కాకుండా "నిమ్మకాయలు" (అవి కూడా పసుపు రంగువి) ఇస్తారుట!. పసుపు శుభసూచకం అని బ్రిటిష్ వాళ్ళు కనిపెట్టి అలా సెట్ చేసారుట.. మనం స్టిల్ ఫాలోయింగ్. అదీ సంగతి.

"ఆ.. చదివేసాం." అంటారా? ఫైనల్ గా ఇంకోటి.

www.picnik.com అనే సైట్ కి వెడితే మీరు ఎంత టాలెంట్ వుపయోగించి పాడు చేసిన ఫోటోలనైనా సరే, బాగుచెయ్యవచ్చు. Contrast, lighting, color, sharpness ఇత్యాది విషయాలతో బాటుగా, cropping, rotating, resizing లాంటివి కూడా ఇష్టం వచ్చినట్టు చేసుకోవచ్చు, red eye reduction లాంటివి చాల సులువుగా చెయ్యవచ్చు. అన్నిటికంటే ముఖ్య విషయం - ఇంద్ర లో బ్రహ్మానందం చెప్పినట్టు ఈ సైట్ "మీకు ఫ్రీ"!! :).

ఇది కూడా తెలుసా? సరే.. మిమ్మల్ని బాగు చెయ్యడం నా వల్ల కాదు :)

Friday, April 4, 2008

మంత్ర - ఎ ఫిల్మ్ బై అరవింద్?

మొత్తానికి మొన్న మంత్ర చూశాము. "ఇన్నాళ్లకా" అనుకోకండి. ఏ వంట చేసుకుంటూనో, పిల్లాడిని అడిస్తూనో సినిమా లు చప్పరించెయ్యడం కంటే, కాస్త తీరిక దొరికినప్పుడు, చక్కగా కూర్చొని, దృష్టి పెట్టి చూడడం అంటే మాకిష్టం వల్ల డీవీడీ వచ్చే వరకు ఎదురు చూడాల్సి వచ్చింది. అందులోనూ, హారర్ సినిమా లు ఫుల్ సౌండ్ తో భయపడుతూ చూస్తే బాగుంటుంది కదా! ... (మీరు ఇప్పటికీ చూడకపోతే కింది పేరా చదవద్దు).

ఈ సినిమా కి, ఇదివరలో వచ్చిన "ఎ ఫిల్మ్ బై అరవింద్" కి పోలికలు కనిపించాయి (క్లైమాక్స్ లో ఐతే తప్పకుండా). ఐతే ఈ సినిమా లో ఎవరు చేసారో చెప్పి, ఎందుకు చేసారో విశదం చెయ్యడం వల్ల సినిమా ని పూర్తి గా చూసి, ఆ మిస్టరీ ఏదో మనమే సాధించిన ఫీలింగ్ వచ్చింది. (అరవింద్ లో చివర్లో విలన్ ఫలానా అని చూపించారు కాని, అలా ఎందుకు జరుగుతోంది అన్న విషయం మీద వివరణ లేదు). దానికి తోడు, సంగీత పరంగా, నటన పరంగా కూడా ఈ సినిమా ఒక ఆకు ఎక్కువ చదివింది అని చెప్పవచ్చు. కధ జరుగుతున్నంత సేపూ, అత్మహత్యలని కూడా "దెయ్యమే" చేసింది అనుకోవడం, చివర్లో ఆ మిస్టరీ ని చేదించడం కూడా బాగుంది. ఒక దశలో మంత్రే దెయ్యమని మనల్ని ఆల్మోస్ట్ నమ్మిస్తాడు దర్శకుడు. కాదని గ్రిప్పింగ్ గా చెప్పడంలో కృతక్రుత్యుడైనట్టు తోస్తుంది . కొన్ని కంటిన్యుటి లోపాలు (మునుస్వామి చనిపోగానే వున్నట్టుండి స్నేహితులు మాయం అయిపోవడం లాంటివి) అక్కడక్కడ వున్నా, శివాజీ తన పాత్రను బాగానే పోషించాడు.. ఈ సినిమా పేరు చెప్పి కనీసం ఒక రెండు మూడు కేజీ ల ఆరోగ్యం పాడుచేసుకొని వుంటాడు అనిపిస్తుంది (సిగరెట్లు తాగుతూ). కరుణ (మా టీవీ యువ ఫేం) పాత్ర బానే వుంది గాని, ఓపెనింగ్ సీన్ లో ఖంగారు పెట్టింది. మొత్తానికి ఈ సినిమా మాకు నచ్చింది.